Латвійскіх земесаргаў навучаюць належным чынам, апалчэнне кантралюе тэрыторыю краіны, 99% моладзі ў яго шэрагах — патрыёты. Таму, калі ў Латвіі з'явяцца так званыя «зялёныя чалавечкі», яны атрымаюць належны адпор і надоўга тут не затрымаюцца.
Пра гэта газеце Latvijas avīze распавёў камандзір Земесардзэ, брыгадны генерал Леанід Калніньш.
Што тычыцца дзеянняў падчас «гадзіны ікс», генерал растлумачыў, што ў кожнага атрада Земесардзэ маюцца інструкцыі, што менавіта рабіць для рэалізацыі агульнага аператыўнага плана. «Калі нейкі земессарг кажа, што не ведае, што трэба рабіць - ён, хутчэй за ўсё, не з'явіўся на навучанне», - растлумачыў Калніньш.
65% земесаргаў параўнальна маладыя - ім не больш за 35 гадоў. Пры гэтым моладзь паставілася вельмі правільна: пры апытанні 18-22 гадовыхх, чаму яны вырашылі ўступіць у шэрагі народнага апалчэння, 99% паказалі свой патрыятызм, адзначыў генерал.
Каментары