Прэзідэнт Венесуэлы Нікалас Мадура прыбыў на саміт Амерык ў Панаму разам са сваім двайніком. Упершыню ў гісторыі двайнік кіраўніка дзяржавы трапіў на відэа. Кадры, на якія трапіў двайнік Мадура і жонка прэзідэнта, размешчаны на YouTube-канале іспанамоўнай версіі тэлеканала CNN.
На відэазапісе відаць, як двайнік у суправаджэнні аховы садзіцца ў прэзідэнцкі лімузін, які накіроўваецца на саміт. Сам жа Мадура сціпленька едзе ў адной з другасных машын венесуэльскай дэлегацыі.
Двайнік падобны на прэзідэнта целаскладам і вусамі.
Мадура паранаідальна баіцца замахаў на сваё жыццё.
У Панаме паміж прэзідэнтам ЗША Баракам Абамам і Мадурам адбылася кароткая размова.
Па словах прэс-сакратара Белага дома Кэтрын Варгас, Абама запэўніў Мадуру, што Злучаныя Штаты не маюць намеру пагражаць Венесуэле. Акрамя таго, Абама выказаўся ў падтрымку мірнага дыялогу паміж урадам і апазіцыяй.
Таксама амерыканскі прэзідэнт дадаў, што ЗША зацікаўленыя ў падтрымцы дэмакратыі, стабільнасці і росквіце ў Венесуэле.
Мадура назваў размову канструктыўнай і выказаў меркаванне, што ёсць шанец на нармалізацыю адносін між дзвюма краінамі.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары