Ці яна стане ліцэнзійнай, ці «УКантакце» не стане ніякой музыкі. Іначай не стане «УКантакце».
Расійскі антыпірацкі закон з 1 мая распаўсюдзіцца не толькі на фільмы, але і на музыку, кнігі і праграмнае забеспячэнне.
Каб пазбегнуць блакіроўкі, музычны раздзел могуць закрыць да заключэння дамоваў.
Пакуль «Раскамнадзор» прасіў не высоўваць прэтэнзій «УКантакце» адразу 1 мая. «Паглядзім, як кампанія будзе працаваць пасля 1 мая», — сказаў РБК гендырэктар расійскай Асацыяцыі па абароне аўтарскіх правоў у інтэрнэце Алег Калеснікаў. Маўляў, вялікім кампаніям трэба больш часу, каб адаптавацца да законаў.
Са жніўня 2013 года ў Расіі быў прыняты закон, што дазваляў блакаваць сайты за нелегальны відэакантэнт — фільмы, серыялы і тэлеперадачы. З пірацкім відэа «УКантакце» больш-менш разабралася: сёння многія пірацкія відэа, загружаныя карыстальнікамі сацсеткі, закрытыя для прагляду.
Напярэдадні прыняцця антыпірацкага закону сацсетка спрабавала выдаліць і пірацкую музыку па патрабаванні праваўладальнікаў (Universal Music Group, Warner UK Music Group і Sony Music). Праз пэўны час амаль уся пірацкая музыка вярнулася.
З некаторымі праваўладальнікамі, магчыма, дамовіліся, але многія дагэтуль абвінавачваюць «УКантакце» ў пірацтве. Сацсетка, напрыклад, унесеная ў «спіс 301» Гандлёвага прадстаўніцтва ЗША як адзін з найбуйнейшых парушальнікаў аўтарскага права.
Менавіта праз парушэнні аўтарскага права ў раздзеле аўдыё праграма «УКантакце» для iPhone была выдаленая з AppStore у лютым 2014 года і вярнулася толькі ў ліпені — ужо без раздзелу аўдыё, але са спасылкамі на пакупку музыкі ў iTunes.
З 23 на 24 красавіка «УКантакце» анансавала перазапуск раздзелу відэа — цяпер ён будзе нагадваць Youtube з рэкамендацыямі легальных тэлесерыялаў і запісаў відэаблогераў. Пра рэформу раздзелу аўдыё не паведамлялася.
Цяпер чытаюць
«Засяроджуся на працы з ЗША». Ціханоўскі расказаў пра свае палітычныя планы на 2026 год32
Каментары