У Белавежскай пушчы прайшоў чэмпіянат Еўропы па вабленні аленяў
Беларускіх аленяў найбольш прывабілі палякі.
Чэмпіянат па вабленні аленяў сабраў у Беларусі майстроў з дзевяці краін Еўропы, паведамляе сайт Белавежскай пушчы. Сярод спаборнікаў былі і беларускія вабільшчыкі.
Па тры чалавекі ад кожнай зборнай з дапамогай вабікаў імітавалі шлюбны крык маладога і старога еўрапейскага аленя, трыумфальны крык самца ў гарэме і пагрозлівы крык перад бітвай.
Каб конкурс быў максімальна аб’ектыўным, журы ацэньвала гукі спаборнікаў усляпую, з закрытых кабінак. Майстры самастойна выраблялі вабікі, адзін з вабільшчыкаў, Яцэк Пшчоўка з Польшчы, пахваліўся вабікам-ракавінай, прывезенай з Філіпінаў.
«Вельмі важна, што мы мусім страляць толькі аленя, якога можна страляць, — тлумачыць БЕЛТА суддзя Алаіз Кашак са Славакіі. — Такога, у якога нядобрыя трафеі, які стары ці хворы. Гэта (водгук на вабленне — НН) нам дапамагае, каб мы паглядзелі і сказалі: гэты вельмі добры, яго нельга страляць, а гэты дрэнны, яго можна страляць».
У конкурсе перамог паляк Томаш Малінскі, у якасці прызу ён атрымаў сертыфікат на новы карабін.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары