У Данецку перад так званым «домам урада» самаабвешчанай «Данецкай народнай рэспублікі», дзе сёння праходзіў стыхійны мітынг, засталося каля 30 пратэстоўцаў, паведамляе сайт «62».
«Сёння, 15 чэрвеня, у Данецку прайшла акцыя пратэсту жыхароў пасёлка Кастрычніцкі, які знаходзіцца ў непасрэднай блізкасці да раёна аэрапорта, зоны баявых дзеянняў. Стыхійнасць пацвярджала адсутнасць выразных патрабаванняў пратэстоўцаў. Частка мітынгоўцаў выступала супраць вайны і патрабавала спыніць абстрэлы пазіцый Узброеных сіл Украіны. Яшчэ частка патрабавала неадкладнага наступу на УСУ, а трэцяя частка выкрыквала лозунгі: «Сыдзіце ўсе!», — адзначае выданне.
Да пратэстоўцаў на мыліцах выйшаў кіраўнік ДНР Аляксандр Захарчанка, які паабяцаў жыхарам абстрэльваных раёнаў і разбураных дамоў жыллё ў бяспечных месцах.
«Пасля чаго Захарчанка з картэжам з'ехаў, спаслаўшыся на дрэннае самаадчуванне. Большасць пратэстоўцаў таксама разышліся. Засталіся каля 30 чалавек, якія працягваюць спрачацца з людзьмі ў камуфляжы. У адказ апошнія пагражаюць прымяніць да іх рэпрэсіі», - піша 62.ua.
Чытайце: У Данецку сабраўся стыхійны антываенны мітынг, людзі патрабавалі ад баевікоў спыніць абстрэлы
Хто тая беларуска, якую экстрадавалі ў ЗША для суда за кантрабанду дэталяў для самалётаў8
Каментары