Магчыма, гэта першы поўнафункцыянальны інтэрфейс «мозг-тэкст».
У навукоўцаў Дзяржаўнага цэнтру адаптыўных тэхналогій і Дзяржаўнага універсітэта Нью-Ёрка (ЗША) літаральна атрымалася прачытаць думкі з дапамогай электродаў, падлучаных да мозгу, паведамляе Motherboard.
Інтэрфейс «мозг-тэкст» падлучаўся непасрэдна ў мозг семярых хворых на эпілепсію пацыентаў, якія ўжо прайшлі інвазіўнае даследаванне мозгу.
Праграма фіксавала актыўнасць на розных участках мозгу дабраахвотнікаў праз электроды, наўпрост падлучаныя да мозгу, і звязвала яе з кожным словам паасобку. Паддоследныя спачатку ўголас чыталі доўгія тэксты, затым камп’ютар расшыфроўваў іх думкі па створаным слоўніку.
Хворыя на эпілепсію маюць у мозгу «ачаг сутаргаў» — пашкоджаны ўчастак, на месцы якога ўтвараецца рубец, а часам узнікаюць вострыя ацёкі і раздражненні нервовых клетак, што вядуць да сутаргаў. Тэрапія прадугледжвае ускрыццё чэрапу дзеля адкрыцця доступу да мозгу.
Сістэма мае абмежаваны і далёка не поўны слоўнік. Але яна ў перспектыве можа даць, напрыклад, доступ у інтэрнэт проста з мозгу, альбо вярнуць магчымасць размаўляць людзям, падобным да паралізаванага астрафізіка Стывена Хокінга.
Цяпер чытаюць
У Тайландзе знікла анліфаншчыца з Пінска. Яе маглі прадаць у М'янму3
Каментары