Дэпутаты грэчаскага парламента прагаласавалі за прыняцце пакета мер жорсткай эканоміі, чаго патрабавалі крэдыторы з краін еўразоны ў якасці папярэдняй умовы выдзялення шматмільярднага пакета дапамогі.
Крэдыторы патрабавалі ад парламента не пазней за сераду ратыфікаваць пагадненне, дасягнутае пасля зацяжных перамоў раніцай у панядзелак.
Галасаванню папярэднічалі зацяжныя дэбаты ў парламенце і акцыі пратэсту на вуліцах перад ім.
Супраць пагаднення прагаласавалі некаторыя ўплывовыя дэпутаты ад кіруючай левай партыі «СІРЫЗА», у тым ліку Яніс Варуфакіс, які пакінуў пасаду міністра фінансаў незадоўга да дасягнення дамоўленасцей з крэдыторамі.
За 86 млрд еўра крэдыторы патрабуюць ад Грэцыі цэлы шэраг заканадаўчых мер, якія прадугледжваюць, у прыватнасці, павышэння падаткаў і пенсійнага ўзросту.
Пераконваючы парламентарыяў падтрымаць гэтыя меры, прэм'ер-міністр Алексіс Цыпрас сказаў, што і сам не верыць у іх эфектыўнасць.
Аднак, сказаў ён, рэалізацыя гэтых «ірацыянальных» прапаноў дазволіць пазбегнуць калапсу грэчаскіх банкаў, у якіх амаль не засталося грошай, і яшчэ большых бедаў для ўсёй Грэцыі.
«Грэчаскі народ у здаровым розуме і разумее розніцу паміж тымі, хто змагаецца, хай і у несправядлівым баі, і тымі, хто здае зброю», — заявіў ён.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары