Шалёна прыгожыя ФОТА пераможцаў конкурсу National Geographic
Часопіс National Geographic вызначыў пераможцаў штогадовага фотаконкурсу Traveler Photo Contest.
Першае месца атрымаў чорна-белы здымак мексіканскага фатографа Ануара Пат’янэ «Шэпат кіта». «Плаванне з гарбатым кітом і яго дзіцянём каля Рока Партыда бліз астравоў Рэвілья-Хіхеда ў Мексіцы, — апісвае фота аўтар. — Гэта выбітнае і ўнікальнае месца, поўнае марскога жыцця, таму мы павінны паскорыць ўключэнне астравоў ў прыродную спадчыну ЮНЕСКА ў мэтах павышэння абароны астравоў ад незаконных рыбалоўных карпарацый і маштабнай лоўлі рыбы».
Другое месца часопіс аддаў здымку рабочых у бангладэшскім кар’еры, трэцяе — скачкам на вярблюдах у Амане.
Таксама часопіс прадставіў сем здымкаў, што засталіся ў кроку ад перамогі.
Конкурс доўжыўся 12 тыдняў, на сайце National Geographic можна пабачыць яшчэ дзясяткі выдатных фота прэтэндэнтаў на перамогу, разбітых па катэгорыях «На прыродзе», «Адчуванне месца», «Спантанныя моманты» і «Партрэты ў вандроўках».
***
Пераможцам конкурсу ў мінулым годзе стаў здымак тарнада ў ЗША.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне3
Каментары