Ярмошына: «Зычу поспехаў спадарыні Караткевіч. Яна — паваротны момант у гісторыі выбараў прэзідэнта»
У Беларусі ўпершыню кандыдатам на пасаду прэзідэнта можа стаць жанчына, заўважыла ў сваім чарговым відэазвароце старшыня Цэнтрвыбаркама Лідзія Ярмошына.
«Вельмі рада пры гэтым перадусім за спадарыню Караткевіч у сілу таго, што гэта першы магчымы кандыдат у прэзідэнты — жанчына ў гісторыі сучаснай Беларусі. Зычу поспехаў гэтаму кандыдату. Менавіта яна з'яўляецца тым новым, асаблівым паваротным момантам у гісторыі выбараў прэзідэнта Беларусі — перадусім таму што яна жанчына», — заявіла Лідзія Ярмошына.
Яна таксама падзякавала Жанне Раманоўскай за ўдзел у выбарчай кампаніі. «Яна змагла сабраць толькі 780 подпісаў, але, тым не менш, правяла сваю кампанію сумленна і мужна, і гэта дарагога варта», — лічыць старшыня ЦВК.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы12
Каментары