Дырэктар агенцтва «Россия сегодня» і тэлевядучы Дзмітрый Кісялёў абскардзіў у судзе санкцыі, якія ўвёў супраць яго ЕC. Ён падаў пазоў у Еўрапейскі суд агульнай юрысдыкцыі.
Як гаворыцца ў пазове Кісялёва, Еўрасаюз не мог ўводзіць супраць яго санкцыі за падтрымку расійскай палітыкі ў дачыненні да Украіны, бо ён не займае высокіх дзяржаўных пасадаў, а проста выказваў сваё меркаванне як журналіст. На думку Кісялёва, ЕС таксама парушыў яго права на свабоду слова.
Пазоў пададзены ў маі 2015 года, але вядома пра яго стала толькі цяпер.
Дзмітрый Кісялёў унесены ў санкцыйны спіс вясной 2014 года. Яму забаронены ўезд на тэрыторыю ЕС, а таксама валоданне нерухомасцю і іншымі актывамі, размешчанымі на яго тэрыторыі. У красавіку 2014 Кісялёў не змог паехаць у Нарвегію з-за санкцый.
«А што ў вас за праблемы? Далёка да Мінска ці некаму падвезці?» Публічная пікіроўка Лукашэнкі і Пашыняна3
Каментары