У Капылі ўзялі пад варту чыноўніцу Мінаблвыканкама: узяла хабар 5 млн рублёў
Начальнікам УУС Мінаблвыканкама распачата крымінальная справа па ч.1 арт.430 Крымінальнага кодэкса Рэспублікі Беларусь у дачыненні да 48-гадовай жыхаркі г. Капыль, раней не судзімай, якая працуе галоўным спецыялістам упраўлення антыманапольнай і цэнавай палітыкі Мінскага абласнога выканаўчага камітэта.
З'яўляючыся службовай асобай, упаўнаважанай ажыццяўляць правядзенне аналітычных і кантрольных дзеянняў у адносінах да суб'ектаў гаспадарання розных формаў уласнасці, знаходзячыся ў сваім службовым кабінеце ў Капылі, атрымала ад дырэктара адной з фірмаў хабар 5 мільёнаў рублёў за станоўчае вырашэнне пытання, якое ўваходзіць у яе кампетэнцыю, а менавіта аб спрыяльным зыходзе правадзімай ёю праверкі фірмы, у тым ліку па зніжэнні сумы штрафных санкцый.
Чыноўніца ўзята пад варту.
Праводзяцца далейшыя аператыўна-вышуковыя і следчыя мерапрыемствы.
Каментары