Кітайскі прафесар прапанаваў бедным мужчынам дзяліцца жонкамі
Прафесар кітайскага Універсітэта Чжэцзян Се Цзошы выклікаў гарачыя дэбаты па ўсёй краіне, калі прапанаваў бедным мужчынам дзяліць жонак, каб выправіць сур'ёзны гендэрны дысбаланс, які назіраецца ў КНР.
У Кітаі на 100 дзяўчынак прыходзіцца 118 хлопчыкаў, што з'яўляецца адным з найбуйнейшых разрываў у палавой структуры насельніцтва ў свеце.
Да такога выніку, на думку вучонага, прывяла шматгадовая палітыка «Адна сям'я — адно дзіця» разам з традыцыямі, паводле якіх перавага ў сям'і аддаецца хлопчыкам.
Па меры ўзбагачэння кітайскіх гарадоў і павышэння мабільнасці насельніцтва ўсё больш жанчын пераязджае ў мегаполісы, пагаршаючы гендэрны разрыў ў вёсцы.
Супрацоўніца кітайскай жаночай праваабарончай арганізацыі Цзын Сюн асудзіла заклік эканаміста, назваўшы яго сэксістам.
«Гэта праблема, якая вырасла з [традыцыйных] вучэнняў, якія ставяць мужчын вышэйшымі за жанчын. І цяпер прапануецца рашэнне, якое зноў факусуецца на мужчынах. Гэта неверагодна смешна», — заявіла праваабаронца.
Аднак Чжэцзян Се Цзошы настойвае, што ў 2020 г. ў КНР будзе пражываць ад 30 да 40 мільёнаў халасцякоў.
Паводле эканаміста, бедныя халасцякі маглі б паспяхова ажаніцца з мігранткамі з эканамічна нестабільных дзяржаў Паўднёва-Усходняй Азіі і Афрыкі.
Пры гэтым многія кітайцы ўжо ствараюць сем'і з дзяўчатамі з суседніх Бірмы і В'етнама.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс1818
Каментары