Дарагія жонкі расіян! Калі ваш муж з'ездзіў у Мінск і кажа, што ні разу не пачуў беларускай мовы, гэта значыць, што ён там швэндаўся па казіно, па незразумелых фарбаваных бабах, піў гарэлку ў кафэ «Бярозка», ганяў на машыне па вуліцы Камуністычная, п'яны спяваў «Ой мароз, мароз, не марозь мяне…» Не выконваючы вашай дыеты, жэр смажаную доктарскую каўбасу са смажанай бульбай і запіваў півам, ад якога яго пуза стала зусім як глобус.
А калі муж кажа, што толькі беларускую і чуў, то можаце быць спакойныя: ваш муж хадзіў на паэтычныя вечары ў кнігарні, камунікаваў з літаратарамі і мастакамі, быў на выставе пейзажнай фатаграфіі, ездзіў глядзець адрэстаўраваную рэзідэнцыю Радзівілаў, піў каву, думаў пра Канта і гартаў стары том санетаў Адама Міцкевіча.
Каментары