Цэнтр сучасных мастацтваў і Музей сучаснага выяўленчага мастацтва аб'яднаныя ў Нацыянальны цэнтр сучасных мастацтваў (НЦСМ) Рэспублікі Беларусь. Юрыдычна новая ўстанова культуры пачала працаваць з кастрычніка гэтага года, паведаміў куратар праектаў НЦСМ Уладзімір Галак.
Афіцыйная прэзентацыя цэнтра адбудзецца 4 лістапада ў Мінску.
Упершыню аб стварэнні Нацыянальнага цэнтра сучаснага мастацтва ў пачатку кастрычніка 2014 года паведаміла першы намеснік міністра культуры Ірына Дрыга. Яна сказала, што цэнтр павінен стаць аналагам «арт-дэпо, якія сёння існуюць у Расіі і Еўропе», а яго задачай будзе «падтрымка і развіццё актуальных кірункаў сучаснага мастацтва». З дапамогай цэнтра, паводле слоў намесніка міністра, задумана «аб'яднаць маладых і масцітых мастакоў, якія займаюцца сучасным мастацтвам».
10 жніўня гэтага года стварэнне НЦСІ замацавалі пастановай Савета міністраў № 673.
Кіраўніком Нацыянальнага цэнтра сучасных мастацтваў прызначаная мастацтвазнаўца Наталля Шаранговіч, якая ўзначальвала абедзве ўстановы, што ўвайшлі ў склад цэнтра.
Чакаецца, што Музей сучаснага выяўленчага мастацтва і Цэнтр сучасных мастацтваў, нягледзячы на аб'яднанне, захаваюць за сабой назвы, якія ўжо зарэкамендавалі сябе, таму што гэтыя культурныя пляцоўкі сталі добра пазнавальнымі.
Цяпер чытаюць
Анжаліка Мельнікава пасля знікнення набыла дзве кватэры ў Мінску90
Каментары