lefigaro.fr
Паліцыя ўстанавіла асобу аднаго з тэрарыстаў, якія ўчынілі напад на канцэртную залу «Батаклан» у Парыжы.
Тэрарыста апазналі па адбітках пальцаў. Паведамляецца, што гэта грамадзянін Францыі. Яго імя не раскрываецца.
Менавіта ў канцэртнай зале Bataclan ў XI акрузе Парыжа мінулай ноччу разгарнуліся асноўныя падзеі. Тэрарысты ўварваліся ў напоўненую людзьмі залу і адкрылі агонь па натоўпе. Па словах відавочцаў у нападзе ўдзельнічалі не менш за тры чалавекі. Аднак пракурор Парыжа Франсуа Маленс паведаміў, што тэрарыстаў магло быць чацвёра.
Адначасова з захопам канцэртнай залы ў іншым раёне Парыжа, каля стадыёна Stade de France, двое смяротнікаў прывялі ў дзеянне выбуховыя прылады. Як паведамілі французскія СМІ, следчыя, якія працуюць на месцы пятнічных тэрактаў у Парыжы, выявілі каля парэшткаў аднаго з тэрарыстаў-самагубцаў пашпарт грамадзяніна Сірыі.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс8
Каментары