Аляксандр Лукашэнка 18 снежня падпісаў указ №504 «Аб задачах сацыяльна-эканамічнага развіцця Рэспублікі Беларусь на 2016 год», паведамілі ў прэс-службе беларускага лідара.
Кіраўніком дзяржавы вызначаныя ключавыя паказчыкі эфектыўнасці работы ўрада Беларусі і Нацыянальнага банка ў якасці найважнейшых параметраў прагнозу сацыяльна-эканамічнага развіцця краіны на 2016 год, сярод якіх забеспячэнне тэмпаў росту да ўзроўню 2015:
- валавога ўнутранага прадукту не менш за 100,3%;
- прадукцыйнасці працы не менш за 101,5%;
- экспарту тавараў і паслуг не менш за 103,5%;
- рэальных наяўных грашовых даходаў насельніцтва не менш за 100,5%.
Савету Міністраў даручана вызначыць ключавыя паказчыкі эфектыўнасці работы кіраўнікоў міністэрстваў, канцэрнаў, аблвыканкамаў і Мінскага гарвыканкама, а таксама арганізацый, маёмасць якіх знаходзіцца ва ўласнасці дзяржавы або ў статутных фондах якіх 50% і больш акцый належыць дзяржаве, акрамя мікраарганізацый і арганізацый з удзелам замежнага капіталу. Пры гэтым не дапускаецца давядзенне арганізацыям іншых паказчыкаў, а таксама давядзенне паказчыкаў арганізацыям, не названым ва ўказе.
Савету Міністраў пастаўленая задача забяспечыць да 1 сакавіка 2016 года распрацоўку арганізацыямі дэталёвага плана мер па зніжэнні выдаткаў на вытворчасць тавараў (работ, паслуг) на 2016 год.
Як адзначылі ў прэс-службе, рэалізацыя мер па забеспячэнні макраэканамічнай стабільнасці дазволіць знізіць уплыў ад неспрыяльнай знешнеэканамічнай кан'юнктуры і забяспечыць устойлівае эканамічнае развіццё Беларусі.
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла20
Каментары