У рэзанансных заявах пра «ворагаў народа» кіраўнік Чачні Рамзан Кадыраў меў на ўвазе тых апазіцыянераў, якія пакінулі Расію і іх паслугачоў унутры краіны. Ён назваў іх «душэўнахворымі».
Кіраўнік Чачні Рамзан Кадыраў патлумачыў, каго ён меў на ўвазе ў рэзанансных заявах аб пазасістэмнай апазіцыі ў Расіі.
«Я зрабіў цвёрдую заяву аб тых, хто з'ехаў з Расіі і адтуль палівае брудам і паклёпнічае на нашу краіну. Яны пагражаюць Расіі, ездзяць у ЗША, сталіцы краін Еўропы, падказваюць, якія ўвесці санкцыі, каб падарваць эканоміку, бяспеку, стабільнасць Расіі. Менавіта іх і іх паслугачоў ўнутры краіны я меў на ўвазе, кажучы аб прыцягненні да адказнасці пазасістэмнай апазіцыі», — напісаў Кадыраў у сваім Instagram.
Паводле яго слоў, размова не ішла аб законнай апазіцыі, што «падымае сацыяльныя, эканамічныя праблемы, пытанні ЖКГ і іншыя!» Кадыраў таксама заявіў, што «сапраўдныя ворагі Расіі», а таксама тыя, хто іх падтрымлівае, адразу ж «засвяціліся».
Кіраўнік Чачні выказаў здзіўленне рэзкай рэакцыяй ўпаўнаважанага па правах чалавека Расіі Элы Памфілавай на яго заявы.
«Думаю, што Эла Аляксандраўна залішне паспяшалася. Я асабіста гэтых людзей, якія вечна глядзяць у бок Захаду, не лічу часткай нашага грамадства. Яны адразу ж пачалі рабіць гучныя заявы аб пагрозах і іншае. Скажу шчыра, я не пагражаў!», — напісаў Кадыраў.
Паводле яго слоў, Кадыраў папрасіў кіраўнікоў Гудэрмескага і Ачхой-Мартанаўскага раёнаў падрыхтаваць у мясцовых псіхіятрычных бальніцах VIP-месцы.
«Калі спатрэбіцца ўмяшанне псіхіятраў, мы гатовыя даць, тым, хто шкодзіць Расіі, дастойныя палаты і дасведчаных дактароў», - рэзюмаваў ён.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3
Каментары