Гісторыя адбылася з 21-гадовым жыхаром Дзятлаўскага раёна ў апошні дзень 2015 года, паведамляе прэс-служба УУС Гродна.
Хлопец перад святам разам з прыяцелямі адправіўся папарыцца ў лазню, зусім як герой вядомага фільма Разанава. Праўда, з лазні хлопец паехаў не ў Піцер, а ў мясцовую бальніцу.
«У канцы працэдуры малады чалавек захацеў, каб яго аблілі і папрасіў пра паслугу таварыша. Апошні ўзяў тазік і пасля праверкі тэмпературы вады вырашыў даліць з крана больш гарачай, але, мабыць, не разлічыў прапорцыі, — расказаў намеснік начальніка Дзятлаўскага РАУС падпалкоўнік міліцыі Ігар Хітра. — З цяжкімі апёкамі спіны хлопца шпіталізавалі. Хочацца спадзявацца, што ў яго ўсё будзе добра. А ў дачыненні да яго прыяцеля заведзеная крымінальная справа за прычыненне цяжкага або менш цяжкага цялеснага пашкоджання па неасцярожнасці».
Цяпер сябру, які «не разлічыў прапорцыі», пагражае да двух гадоў абмежавання волі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары