Старшыня рэспубліканскага ГА «Белая Русь» Аляксандр Радзькоў на пасяджэнні Рэспубліканскага Савета гэтай арганізацыі заявіў, што арганізацыя мае прыцягваць у свае шэрагі лепшых студэнтаў старэйшых курсаў.
«Сённяшняя студэнцкая моладзь — гэта ў блізкай будучыні кіруючая эліта нашай краіны. Цяперашнім студэнтам, магістрантам, аспірантам трэба будзе ўзначаліць працоўныя калектывы на розных узроўнях: ад цэха да міністэрства. І як важна, каб яны ўмелі спланаваць і арганізаваць працу, з'яднаць калектыў «, — заявіў кіраўнік грамадскага аб'яднання.
Аляксандр Радзькоў нагадаў, што 2015-ы быў Годам моладзі. «Белая Русь» летась не толькі шукала новыя формы працы з маладым пакаленнем, але выяўляла праблемы ў гэтым асяроддзі.
«Мы, напрыклад, былі ўважлівыя да праблем студэнцкай моладзі. Яна заўсёды павінна быць у поле зроку адказных асоб, — сказаў ён. —
Калі са студэнтамі ня працаваць, гэтая маладая сіла, часам пад самымі зручнымі лозунгамі, можа быць скіраваная ў дэструктыўных мэтах».
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў46
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары