У Брэсце 29 студзеня каля ракі Мухавец, з боку Варшаўскай шашы была знойдзена мёртвая жанчына. Жудасную знаходку зрабіў сабакавод, падчас прагулкі са сваім гадаванцам.
Мужчына патэлефанаваў у міліцыю апоўдні і паведаміў, што яго сабака знайшоў рэшткі пальцаў чалавека.
На выклік была накіравана следчая група, якая пасля працяглых пошукаў, сумесна з салдатамі ўнутраных войскаў выявіла цела жанчыны, скаванае лёдам. Труп знаходзіўся ў берагавых зарасніках. Фрагменты цела, якія выступалі з лёду, былі пакусаныя. Верагоднае, жывёлы разнеслі часткі рукі на далёкую адлегласць ад цела.
Для высвятлення дакладных абставінаў смерці і вызначэння яе асобы прызначаны шэраг экспертыз. Следчыя і крыміналісты праводзяць неабходныя дзеянні, але крымінальнага подчырка смерці пакуль на целе не выяўлена.
Паведамляецца, што адзенне на целе супадае з адзеннем зніклай больш за месяц таму настаўніцы з Брэста, якой было 38 гадоў.
Пазней, знойдзенае цела апазнаў муж загінулай. На целе выяўленыя таксама ювелірныя вырабы, якія ўскосна могуць адмаўляць версію забойства з нейкай мэтай.
Следчыя яшчэ выказваюць імавернасць самагубства.
Гэтак жа не ясна, як загінулая магла заставацца нязнойдзенай у месцы, па якім штодня ходзяць рыбакі.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам20
Каментары