Адвакат былога прэзідэнта Украіны Віктара Януковіча Віталь Сярдзюк заявіў, што ў яго кліента ёсць жаданне вярнуцца ў краіну «і для гэтага будуць рабіцца прававыя крокі». Пра гэта Сярдзюк паведаміў у інтэрв'ю выданню «Галоўкам», апублікаваным у аўторак.
«У яго ёсць намер вярнуцца ва Украіну, і для гэтага будуць рабіцца прававыя крокі. Януковіч з сябе паўнамоцтваў прэзідэнта не складаў і не самаўхіляецца ад кіраўніцтва краінай», - адзначыў адвакат.
Пры гэтым, паводле слоў Сердзюка, Януковіч не ўхіляецца ад сустрэч з прадстаўнікамі праваахоўных органаў Украіны, што вядуць расследаванне па распачатых у дачыненні да былога прэзідэнта справах, а, наадварот, «выказаў сваю рашучую гатоўнасць удзельнічаць у следчых дзеяннях».
Аднак, як сцвярджае адвакат, намеры яго кліента не сустракаюць разумення ў работнікаў сілавых структур. «Фактычна гэта кліент ужо даўно шукае следчых па сваіх справах», — адзначыў Сярдзюк.
-
Швейцарыя выступіла супраць абмежавання колькасці насельніцтва
-
Эпатажны спявак Oliver Tree і яшчэ пяць чалавек загінулі ў Бразіліі пасля сутыкнення верталётаў
-
Пуцін павіншаваў Трампа з 80‑годдзем і заявіў, што чакае Зяленскага ў Маскве. Крэмль сцвярджае, што прэзідэнт ЗША паабяцаў уздзейнічаць на Кіеў
Каментары