Падраздзяленні сірыйскага войска цалкам вызвалілі старажытны горад Пальміру, паведамляюць сірыйскія ваенныя.
«Пасля цяжкіх баёў на працягу ўсёй ночы армія ўзяла Пальміру пад свой поўны кантроль — уключаючы старажытную частку і сучасныя жылыя раёны горада», — цытуе сваю крыніцу агенцтва Франс-прэс.
Агенцтва Рэйтэр спасылаецца на сірыйскія СМІ і назіральнікаў, расійскае агенцтва ТАСС перадае, што тую ж інфармацыю паведамляе мясцовы сірыйскі тэлеканал «Аль-Маядын».
З вечара суботы па ўсім горадзе была чуваць масіраваная стральба, над некалькімі раёнамі ўздымалася чорны дым.
Сірыйскі цэнтр маніторынгу за правамі чалавека, які базуецца ў Вялікабрытаніі, пацвердзіў, што Пальміра перайшла пад кантроль сірыйскіх вайскоўцаў, але на ўсходзе горада яшчэ працягваюцца баі.
Паводле Бібліі, Пальміра была заснавана царом Саламонам у аазісе пасярод пустыні паміж Дамаскам і ракой Еўфрат.
Цяпер чытаюць
Зяленскі назваў, якія рэтранслятары на мяжы і беларускія прадпрыемствы хвалююць Украіну44
Каментары