Мінскі гарадскі цэнтр сям'і і дзяцей неўзабаве ўвядзе паслугу «няня на гадзіну»
Мінскі цэнтр сацыяльнага абслугоўвання сям'і і дзяцей неўзабаве ўвядзе паслугу «няня на гадзіну». Пра гэта БелТА паведаміла дырэктарка ўстановы Кацярына Мальцава. Такая магчымасць з'явіцца, калі цэнтр пераедзе ў новы адміністрацыйны будынак па вуліцы Чабатарова (раён станцыі метро «Трактарны завод»). Цэнтр плануе аказваць і іншыя новыя віды паслуг.
Так, у цэнтры абсталююць два дзіцячыя пакоі для малечы 2—4 і 4—6 гадоў. Мамы змогуць пакінуць там дзіця на 1—3 гадзіны, каб схадзіць, напрыклад, у цырульню ці краму. Паслуга будзе платнай. Але жанчыны, якія аказаліся ў цяжкай жыццёвай сітуацыі і наведваюць псіхолага цэнтра, змогуць пакінуць дзіця ў такім пакоі бясплатна.
Акрамя таго, у новым будынку цэнтра адкрыецца аддзяленне дзённага знаходжання для дзяцей-інвалідаў з саматычным захворваннем (анкалагічным) у стане рэмісіі. Для рэабілітацыі дзяцей-інвалідаў у новым будынку цэнтра плануецца праца кабінета эрга-тэрапіі, арт-тэрапіі, а таксама псіхолагі і рэабілітолагі змогуць выкарыстоўваць мноства іншых тэхнік.
Працягнуць працу мама- і тата-школы. Больш магчымасцяў па правядзенні розных мерапрыемстваў з'явіцца і з адкрыццё ўласнай трэнінгавай залы.
Цяпер чытаюць
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць30
Каментары