Няблага ідзе справа з правасудзьдзем і ў Беларусі. Ну, Саюзная ж дзяржава! Тутэйшая старэйшая сястрычка нашай Фэміды пачала практыкаваць раней – і палітвязьні там зь дзевяностых гадоў, і ворагі прэзыдэнта пачалі гінуць раней, чым у нас… А на мінулым тыдні – нічога страшнага: звычайны выхаваўчы момант.
Віктар Шэндэровіч у сваёй штотыднёвай перадачы “Плавленый сырок” камэнтуе “суды па-беларуску”.
“Шэндэровіч: Няблага ідзе справа з правасудзьдзем і ў Беларусі. Ну, Саюзная ж дзяржава! Тутэйшая старэйшая сястрычка нашай Фэміды пачала практыкаваць раней – і палітвязьні там зь дзевяностых гадоў, і ворагі прэзыдэнта пачалі гінуць раней, чым у нас… А на мінулым тыдні – нічога страшнага: звычайны выхаваўчы момант.
Некалькі месяцаў таму тутэйшыя мянты разагналі апазыцыйны мітынг і затрымалі парушальнікаў парадку. Сьледзтва было праведзенае бліскуча і імкліва. Высьветлілася, напрыклад, што адзін з дэманстрантаў, сьвежаадлічаны студэнт Андрэй Кім, які ёсьць ляўшуном, ні за што ні пра што заехаў па леваму ж вуху падыйшоўшаму капітану ДАІ. Вы не спрабавалі, калі вы ляўшун, ударыць кагосьці кулаком у левае вуха? А вы паспрабуйце. Калі зможаце, просты вам шлях у беларускія судзьдзі!
На гэтым анамаліі не спыніліся: пакрыўдзіўшы супрацоўніка ДАІ вычварэнскім чынам, студэнт Кім чамусьці не пабег хавацца, як зрабіў бы на ягоным месцы любы нармальны экстрэміст, а працягваў роўна ісьці ў шэрагах дэманстрантаў – і быў затрыманы толькі праз паўгадзіны і ўжо не на дэманстрацыі.
Пра ўсё гэта суду шчыра расказаў супрацоўнік у цывільным, які ішоў, па яго словах, за паўтары метры ззаду Кіма, але відаць спужаўся затрымліваць экстрэміста, які ўмее біць кулаком левае рукі ў левае вуха. Гэты “таптун” і аказаўся адзіным довадам абвінавачваньня, таму што на відэа добра бачна не як б’е Кім, а як б’юць Кіма. Дэфект плёнкі, мабыць… Такім чынам, Андрэй атрымаў паўтары гады калёніі. І гэта яму яшчэ мала далі!..
Каментары