Увечары 6 красавіка ў хірургічнае аддзяленне Гомельскай абласной клінічнай бальніцы было дастаўлена дзіця 2007 года нараджэння, якое атрымала траўмы ў адным з гандлёвых цэнтраў горада.
Як паведамілі ў аддзеле інфармацыі і грамадскіх сувязяў УУС Гомельскага аблвыканкама, хлопчык прыйшоў у гандлёвы цэнтр з мамай, і пакуль жанчына наведвала краму абутку, адпрасіўся ў яе схадзіць у краму цацак. Дзіця паехала на другі паверх на эскалатары, але арыгінальным спосабам — павісла на гумовым поручні, які рухаецца сінхронна з эскалатарам.
На другім паверсе хлопчык няўдала саскочыў з гумовага поручня, і быў заціснуты эскалатарам. На месца здарэння прыбылі хуткая дапамога і міліцыя, школьніка шпіталізавалі з траўмамі.
Праверку па гэтым факце праводзіць інспекцыя па справах непаўналетніх.
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары