На Трафальгарскай плошчы ў Лондане адкрылі копію старажытнай аркі з Пальміры, якую разбурылі баевікі групоўкі «Ісламская дзяржава».
У цырымоніі адкрыцця прыняў удзел мэр Лондана Барыс Джонсан.
Арка вышынёй 6 метраў зробленаz з егіпецкага мармуру. Яна крыху менш за разбураную Трыумфальную арку Пальміры, якой было 2 тысячы гадоў.
Арку ўзнавіў Інстытут віртуальнай археалогіі з дапамогай фатаграфій з розных сайтаў і 3D-тэхналогій. Гэтая арганізацыя займаецца рэканструкцыяй помнікаў, знішчаных падчас канфліктаў. Сама арка была выразаная на поўначы Італіі ў Таскане.
У Лондане арка прастаіць тры дні, а затым пераедзе ў іншыя гарады, у тым ліку Нью-Ёрк і Дубай.
«Ісламская дзяржава» заняла Пальміру ў маі 2015 года. Ісламісты разбурылі на тэрыторыі старажытнага горада шэраг збудаванняў.
Акрамя аркі былі разбураныя і два буйныя храмы, якім таксама каля 2 тысяч гадоў. Ад самой аркі засталіся толькі дзве калоны і абломкі, раскіданыя па зямлі.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»13
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары