Мінчукі будуць ствараць копіі самых дарагіх карцін свету ў Ноч музеяў 21 мая ў Нацыянальным цэнтры сучасных мастацтваў, паведамілі арганізатары майстар-класа па жывапісе.
Разам з мастаком удзельнікі майстар-класа паспрабуюць намаляваць працы, падобныя на вядомыя палотны, прададзеныя з аўкцыёнаў Christie's і Sotheby's за мільёны даляраў. Сярод іх «Крык» Эдварда Мунка, «Аголеная, якая ляжыць» Амедэа Мадзільяні, «Аголеная, зялёнае лісце і бюст» Пабла Пікаса і «Супрэматычная кампазіцыя» Казіміра Малевіча.
Удзельнікам сустрэчы можа стаць любы ахвотны, узровень умення маляваць не важны, падкрэслілі арганізатары.
Як адзначылі ў Нацыянальным цэнтры сучасных мастацтваў, тэма гэтага праекта сугучная тэме Ночы музеяў-2016 у НЦСМ «Be genius!» («Будзь геніем!»). Гэта прысвячэнне геніяльным мастакам, якія выйшлі за межы музейнага свету і сталі культавымі прадстаўнікамі масавай культуры.
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары