У Баранавіцкім раёне загінула 10-гадовая дзяўчынка — на яе зваліўся цагляны слуп
Тата малой прыхінуўся да слупа, той адразу ўпаў.
Здарэнне адбылося ўвечары 28 мая на дачным участку ў садовым таварыстве «Крыніца» Баранавіцкага раёна.
Сям'я загінулай жыве ў горадзе Масты Гродзенскай вобласці. У Баранавіцкі раён дзяўчынка з бацькамі і малодшым братам прыехалі ў госці да сябра сям'і.
— Тата загінулай дзяўчынкі прыхінуўся да слупа, пастаўленага перад домам, каб зрабіць навес. Слуп стаў падаць. У той момант побач знаходзілася дачка мужчыны. Дзяўчынка атрымала траўму галавы, ад якой памерла на месцы, — распавяла Intex-press Марына Дранькова, прэс-сакратар Упраўлення Следчага камітэта РБ па Брэсцкай вобласці.
Па факце здарэння праводзіцца праверка.
Цяпер чытаюць
Алексіевіч: Адно з самых моцных уражанняў у жыцці — калі я апынулася ў натоўпе ў 2020 годзе2
Каментары