Памёр украінскі артыст Уладзімір Камароў — адзін з самых вядомых удзельнікаў трупы «Маскі-шоу». Яму быў 61 год. Артыст пайшоў з жыцця 29 сакавіка ў Адэсе. Паводле інфармацыі калег, прычынай стала сардэчная недастатковасць, піша РБК-Украіна.
Уладзімір Камароў
Камароў быў добра вядомы як яркі камедыйны акцёр. Ён працаваў у ансамблі пантамімы і клаўнады «Маскі» пры Адэскай філармоніі, выступаў у кіеўскім эстрадным тэатры «Шарж», а з 1989 года зноў далучыўся да «Маскі-шоу», дзе стаў адным з самых пазнавальных артыстаў.
Уладзімір Камароў у розных ролях
У 2002 годзе ён пакінуў калектыў і разам з Аляксем Агап’янам стварыў дуэт «Адэкалон». Пазней заснаваў уласны музычна-гумарыстычны праект, у якім спалучаў сцэну з рок-н-ролам і блюзам.
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары
Goodbye, sweet prince