Улады астраўной дзяржавы Науру, што ў Ціхім акіяне, дамагліся прыняцця чарговага буйнога пакета паправак у крымінальнае заканадаўства краіны, выключыўшы са спісу крымінальна каральныя дзеянні, у прыватнасці, гомасэксуальныя адносіны і самагубства.
Акрамя таго, папраўкі ў заканадаўства адмяняюць рабства, фармальна дазволенае ў краіне да гэтага моманту, забараняюць маці забіваць сваіх нованароджаных дзяцей і пашыраюць паняцці згвалтавання на выпадкі сэксуальнага гвалту, зафіксаваныя ў шлюбе.
Гэта найбуйнейшыя змены ў крымінальным заканадаўстве Науру з моманту прыняцця папярэдняй версіі крымінальнага кодэксу краіны ў канцы 19-га стагоддзя. Аднак аборты ў Науру застаюцца супрацьзаконнымі.
Многія міжнародныя арганізацыі віталі гэтае рашэнне, адзначыўшы, што Науру падае добры прыклад Ціхаакіянскім дзяржавам, адстойваючы прынцыпы гендарнай роўнасці і правы сэксуальных меншасцяў.
У той жа час праваабаронцы ўсё роўна называюць рэформу крымінальнага заканадаўства Науру недастаткова маштабнай. На іх думку, апошнія змены ў заканадаўстве практычна ніяк не палягчаюць становішча сотняў бежанцаў — самых няшчасных жыхароў выспы.
Пры гэтым фактычна ўлады вырашылі адмяніць пакаранні за самазабойства менавіта пасля таго, як скончыць з сабой паспрабавалі некалькі бежанцаў, якія прыбываюць на востраў у рамках пагаднення аб прыёме бежанцаў, заключанага ўладамі краіны з Аўстраліяй.
Науру — астраўная дзяржава ў Ціхім акіяне. Яе плошча складае 21 квадратны кіламетр, а насельніцтва - каля 10 тысяч чалавек
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары