Гімназіст, якога падазраюць у нападзе на настаўніцу, цяпер у Навінках
Не выключана, што ў набліжэйшы час 15-гадоваму падлетку выставяць абвінавачванне.
— Расследаванне справы працягваецца, у нас ужо ёсць канкрэтныя вынікі. Мы атрымалі заключэнне геномнай экспертызы, у адпаведнасці з якой уся кроў на вопратцы, на заплечніку затрыманай асобы, належыць менавіта пацярпелай, — заявіў учора старшыня Следчага камітэта Іван Наскевіч. — Гэта дае нам падставы лічыць яго падазраваным па справе. Хутчэй за ўсё, мы менавіта яму выставім абвінавачванне ў здзяйсненні нападу на настаўніцу гімназіі.
15-гадовы падлетак Д. сталічнай гімназіі №74 быў затрыманы 23 мая. У тую раніцу вучні 9 класа павінны былі здаць верш па рускай літаратуры. Паводле папярэдняй інфармацыі, Д. зайшоў у кабінет і напаў на настаўніцу з нажом, жанчыну даставілі ў рэанімацыю. Пасля гэтай гісторыі некаторыя бацькі, чые дзеці вучацца гімназіі №74, распавялі: што ў шматлікіх вучняў былі напружаныя адносіны з настаўнікам, яны нават хадзілі да дырэктара, але пытанне не вырашалася.
- На мінулым тыдні настаўніцу выпісалі з бальніцы, але на працу яна яшчэ не выйшла. Магчыма, узяла адпачынак, — распавядае kp.by маці вучаніцы 9-га класа, у якім вучыцца Д. — Зараз мы рыхтуем калектыўны ліст ва ўпраўленне адукацыі адміністрацыі Кастрычніцкага раёна [у абарону вучня], нас так ніхто і не пачуў.
Мабыць, таму, некаторыя дзеці забралі дакументы і сышлі з гімназіі: нехта ў іншую школу, хтосьці вырашыў паступаць у ліцэй.
Асабіста я таксама ўгаворваю сваю дачку забраць дакументы і перайсці ў іншую ўстанову адукацыі. Я ведаю, што цяпер Д. ужо больш за два тыдні знаходзіцца ў Навінках, вельмі хутка псіхіятрычная экспэртыза павінна завяршыцца.
Заведзена крымінальная справа адразу па двух артыкулах: ч.1 арт.14, ч.2 арт.139 «Замах на забойства».
Цяпер чытаюць
«Люблю, калі беларусы беларусяцца»: у сацсетках жартуюць з надвор’я і абмяркоўваюць праблемы2
Каментары