Выпускнік уладкаваўся на працу з занятасцю адна гадзіна на дзень з абедам. Чым скончылася?
Выпускнік аднаго са сталічных ВНУ вучыўся на бюджэтнай форме і пасля заканчэння навучання павінен быў адпрацаваць па размеркаванні.
Яго накіравалі ў адну з мінскіх арганізацый, якая, як высветлілася, дапамагала маладым спецыялістам ухіляцца ад размеркавання. Фармальна хлопца аформілі на пасаду інжынера-сістэматэхніка, піша Onliner.by.
Падчас судовага разгляду пацвердзілася, што да працы ён не прыступаў. Пры гэтым у кантракце было прапісана, што яго рабочы дзень складае адну гадзіну з абедам працягласцю 12 хвілін.
У дачыненні да кіраўніка кампаніі ўжо вынеслі абвінаваўчы прысуд: суд прызнаў яго вінаватым у садзейнічанні фіктыўнаму працаўладкаванню выпускніка.
Праверка паказала, што арганізацыя не вяла ніякай рэальнай дзейнасці. Маладых спецыялістаў афармлялі фіктыўна: яны не працавалі, заробак не атрымлівалі, затое павінны былі пералічваць грошы кіраўніку фірмы — для пакрыцця выдаткаў на іх «працаўладкаванне».
Суд цалкам задаволіў пазоў пракуратуры: працоўны дагавор прызналі несапраўдным. Рашэнне пакуль не ўступіла ў законную сілу і можа быць абскарджанае.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам4444
Каментары
Ад размеркавання шкода адна - дае магчымасць не падымаць заробкі часовым рабам і не даваць ім нармальнае жытло, бо потым новых прышлюць.