Пасля канцэрта ў Маскве фронтмэн гурту Rammstein Тыль Ліндэман пахваліўся журналістам новым смартфонам — iPhone 6s з золата і чэрненага тытану з выявай Уладзіміра Пуціна на задняй панэлі.
Каштуе такі апарат з улікам 20%-зніжкі каля 2750 даляраў.
Каментуючы абноўку, Ліндэман заявіў, што палітычныя нападкі на Расію несправядлівыя, а санкцыям трэба падвяргаць тых, хто «вядзе несумленныя гульні і правакуе міжнародныя канфлікты».
У розны час уладальнікамі дарагіх iPhone з расійскай сімволікай станавіліся Фрэд Дэрст, Алег Газманаў, Аляксандр Авечкін, Раман Шырокаў і Рой Джонс. Каштоўныя гаджэты яны выкарысталі, каб выказаць сваю прарасійскую пазіцыю.
Але, як заўсёды бывае ў такіх сітуацыях, карыстальнікі сацсетак знайшлі арыгінальнае фота. Відаць, прадстаўнікам крамы, якая гандлюе люксавымі тэлефонамі, захацелася большай сенсацыі.
