Каля Мядзела пачала працаваць найбуйнейшая ў краіне сонечная электрастанцыя магутнасцю 5,7 MW. Яна можа вырабляць 6,27 мільёнаў kWh электраэнергіі штогод — дастаткова, каб на гэты перыяд забяспечыць каля 3 тысяч хатніх гаспадарак.
«Гэта найбуйнейшая сонечная электрастанцыя не толькі ў Беларусі, але і ў рэгіёне, яна больш магутная, чым электрастанцыі ў краінах Балтыі, у Польшчы. Сучасная электрастанцыя забяспечыць моцную генерацыю і энергетычную бяспеку краіны. Уся электрычная энергія будзе падавацца ў беларускія энергетычныя сеткі», — кажа дырэктар кампаніі «Modus Energija» Мікалай Maтынюк.
Памер інвестыцыі ў электрастанцыю дасягае 10,6 млн даляраў ЗША, палову сумы вылучыў Еўрапейскі банк рэканструкцыі і развіцця (ЕБРР) Астатнюю частку сумы дадала кампанія «Modus Energija», якой кіруе галандскі холдынг MG NL Holding.
З улікам закупачных цэнаў, прадугледжаных у законе Беларусі аб узнаўляльных крыніцах энергіі, можна выказаць здагадку, што сонечная электрастанцыя акупіць сябе на працягу 6 гадоў.
Новы аб'ект знаходзіцца побач з возерам Нарач. Тут на ўчастку 15 га абсталявана больш за 22 тысячы сонечных модуляў. Для таго, каб іх даставіць, спатрэбіўся 31 грузавік.
Прадстаўнікі кампаніі «Modus Energija», якой кіруе галандскі MG NL Holding, спадзяюцца, што найбуйнейшая сонечная электрастанцыя будзе не адзінай інвестыцыяй у Беларусі ў галіне ўзнаўляльнай энергіі. «Такую прыродную энергію мы ацэньваем як устойлівую, чыстую, канкурэнтаздольную і лічым, што яна будзе дамінуючай. Мы бачым, што выкарыстанне ўзнаўляльных крыніц энергіі ўсё больш і больш развіваецца. Акрамя таго, мы актыўна працуем не толькі ў галіне сонечнай энергіі, але і ў галіне біягазу», — патлумачыў дырэктар кампаніі-распрацоўшчыцы праекта «Modus Energija» Мікалай Maтынюк.
У Беларусі і іншых краінах «Modus energija» абсталявала не адну «зялёную» электрастанцыю — іх агульная магутнасць больш за 20 MW. У цяперашні час кампанія выйшла на рынкі Літвы, у далейшых планах — развіццё ў маштабе еўрапейскага рэгіену.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»22
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары