Былы галоўнакамандуючы ваенна-паветраных сіл Турцыі Акын Азцюрк прызнаўся ў арганізацыі спробы перавароту ў краіне, паведамляе турэцкае дзяржаўнае інфармагенцтва Анадалу.
Па некаторых дадзеных, турэцкія ўлады лічаць яго непасрэдным арганізатарам спробы дзяржаўнага перавароту.
У Турцыі працягваюцца арышты вайскоўцаў і чыноўнікаў у сувязі з няўдалай спробай перавароту, зробленай групай вайскоўцаў.
Улады Турцыі адхілілі ад працы амаль 9 тысяч паліцэйскіх. Арыштавана больш за 100 высокапастаўленых вайскоўцаў.
Па дадзеных СМІ, 27 генералаў і адміралаў, у тым ліку былы камандуючы ваенна-паветранымі сіламі Акына Азцюрк, дастаўлены ў Палац правасуддзя Анкары і рыхтуюцца паўстаць перад судом.
Раней прэзідэнт Турцыі Рэджэп Таіп Эрдаган паабяцаў, што парламент разгледзіць магчымасць вяртання смяротнага пакарання ў сувязі з паўстаньнем.
Пры гэтым афіцыйны прадстаўнік урада Германіі Штэфен Зайберг заявіў, што Турцыю не прымуць у ЕС у выпадку яе вяртання да смяротнага пакарання.
Цяпер чытаюць
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы55
Каментары