Хамоўніцкі суд Масквы так і не рэабілітаваў расстраляных у Катыні польскіх — і беларускіх — афіцэраў.
Судзьдзя патлумачыў рашэньне тым, што з такой просьбай у суд могуць зьвяртацца толькі тыя грамадзяне, чые правы былі парушаны.
Адвакат Ганна Ставіцкая, якая абараняе правы сваякоў польскіх афіцэраў, заявіла, што такое рашэньне незаконнае.
«Паводле закону «Аб рэабілітацыі» з адпаведнай заявай могуць зьвяртацца ня толькі сваякі, але і любыя асобы, а таксама грамадзкія арганізацыі», — сказала адвакат.
Яна таксама дадала, што рашэньне ужо абскарджана ў Маскоўскім гарадзкім судзе.
Для многіх палякаў катынская трагедыя — да гэтага часу самае спрэчнае пытаньне ў гісторыі польска‑расейскіх дачыненьняў.
Масква так і не прызнала сваёй адказнасьці за гэтыя забойствы.
Цяпер чытаюць
Адстаўны падпалкоўнік міліцыі адсудзіў кватэру ў сваёй дачкі. Гучная сямейная гісторыя з Брэста11
Каментары