Сярод самых багатых кандыдатаў у дэпутаты аказаўся гумарыст Яўген Крыжаноўскі. Ягоны гадавы даход перавысіў 390 мільёнаў недэнамінаваных рублёў.
Перадусім гэта грошы, атрыманыя ад прадпрымальніцкай дзейнасці (Крыжаноўскі мае траціну акцый у статутным фондзе кампаніі «Граф Паліграфф»).
Яшчэ каля 26 мільёнаў гумарыст атрымаў ад тэлебачання, філармоніі і газеты «Шапакляк». Апошнія 17 мільёнаў — пенсія, яна выплачвалася ад лета мінулага года.
Пры пераліку на даляры сярэднемесячны даход Крыжаноўскага складаў $2050.
Яшчэ большы даход быў у весляра Аляксандра Багдановіча. Сёлета ён праз допінгавы скандал не трапіў на Алімпіяду і пайшоў у палітыку. Летась Багдановіч зарабіў 517,3 мільёна рублёў. Гэта $2717 у эквіваленце штомесяц.
Каментары