Памёр брацік хлопчыка, які стаў сімвалам ахвяр расійскіх бамбёжак у Алепа
Старэйшы брат хлопчыка Амрана, які таксама пацярпеў пры абстрэле іх дома ў Алепа, памёр ад раненняў у Сірыі, паведамляюць арабскія і еўрапейскія СМІ.
Лёс пяцігадовага Амрана стаў сімвалам трагедыі Сірыі. Гісторыя атрымала шырокі рэзананс пасля таго як СМІ апублікавалі відэа «Медыцынскага цэнтра Алепа» аб выратаванні дзіцяці з будынка, разбуранага ўдарам расійскай авіяцыі.
Кадры маленькага Амрана, скрываўленага і ў стане шоку, разляцеліся па сацыяльных сетках.
ВКС Расіі абвергла заявы пра тое, што гэты дом у кантраляванай паўстанцамі частцы Алепа быў разбураны ў выніку расійскага авіяўдару.
Расія ўмяшалася ў грамадзянскую вайну ў Сірыі на баку дыктатара з алавіцкай дынастыі Асадаў.
Супраць Асада ваююць як радыкальныя ісламісты, падзеленыя на дзясятак ідэалагічных і рэгіянальных груповак, так і ўмераная Свабодная армія Сірыі (САС).
Ісламістаў фінансуюць Катар, Саудаўская Аравія і Турцыя.
САС абапіраецца на дапамогу ЗША і Вялікабрытаніі.
Супраць Асада выступаюць таксама этнічныя атрады курдаў, друзаў, туркменаў, што адстойваюць свае этнічныя інтарэсы.
На баку Асада ваююць этнічная армія ліванскіх шыітаў «Хезбалах» і экспедыцыйны корпус Ірана.
Асада падтрымліваюць таксама сірыйскія хрысціяне — іх у краіне было каля 10%, але менавіта яны складаюць значную частку ўцекачоў у краіны Еўропы і Паўночнай Амерыкі. Яны баяцца ўстанаўлення ў краіне ісламісцкага рэжыму ў выпадку падзення Асада.
Найбольшай пагрозай лічыцца так званая «Ісламская дзяржава Ірака і Леванта», барацьбой з якой апраўдваюць сваё ўмяшанне і Расія, і ЗША. У апошнія тыдні Ісламскай дзяржаве нанеслі некалькі значных паражэнняў САС і курдскія апалчэнцы.
Вайна ў Сірыі прывяла да соцень тысяч ахвяраў. Бамбёжкамі і артабстрэламі разбураны сотні населеных пунктаў.
У апошнія дні жорсткія баі вядуцца паміж курдамі і сіламі Асада ў Хасацы, а таксама паміж ісламістамі і сіламі Асада — у Алепа.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары