Будаўніцтва «Газпром цэнтра» ў Мінску прыпынена
Кампанія «Газпром трансгаз Беларусь» прыпыніла будаўніцтва шматфункцыянальнага комплексу «Газпром цэнтр» у Мінску.
Гэтую інфармацыю Naviny.by пацвердзілі дзве незалежныя адзін ад адной крыніцы, абазнаныя з сітуацыяй.
«[Будаўніцтва прыпынена] нібы з 22-га [жніўня]. Прычыны, я так зразумеў, палітычныя», — сказаў адзін з суразмоўцаў.
Нагодай для часовага спынення збудаванні комплексу паслужыла газавая спрэчка.
«З прычыны таго, што ў Беларусі ёсць запазычанасць за газ, адносіны пагоршыліся. І расійскі «Газпром» прыпыніў фінансаванне праектаў, у тым ліку гэтага, пакуль гэтае пытанне не вырашыцца. Наколькі нам вядома, гэта зроблена ў паказальных мэтах», — паведаміў другі суразмоўца.
Ёсць і альтэрнатыўная інфармацыі — маўляў, прыпыненне будаўніцтва звязаная не столькі з «разборкамі» з «Газпрамам», колькі з карэкціроўкай праекта.
«Праект складаны, і многія пытанні былі не вырашаныя яшчэ да таго, як пачалася будоўля. Па шэрагу аб'ектаў праект карэктаваўся і яшчэ цяпер працягвае карэктавацца, таму ёсць альтэрнатыўная інфармацыя, што гэта звязана з карэкціроўкай праекта, а тое, што нібыта за газ не разлічыліся — гэта больш як проста прыкрыццё, каб не шукалі вінаватых сярод выканаўцаў», — адзначыла інфармаваная крыніца.
Тым не менш, паводле яго слоў, хутка будоўля павінна аднавіцца. «Нас запэўніваюць, што яны хутка адновяць будоўлю, што не будзе як з «Кемпінскі», - адзначыў суразмоўца.
У кампаніі «Газпром трансгаз Беларусь» не сталі каментаваць сітуацыю і папрасілі пачакаць афіцыйнай інфармацыі, паколькі «ёсць пытанне, якое трэба ўрэгуляваць на сур'ёзным узроўні».
***
Будаўніцтва шматфункцыянальнага комплексу «Газпром цэнтр» пачалося год таму. Аб'ект размесціцца на скрыжаванне вуліцы Філімонава і праспекта Незалежнасці на плошчы 8,27 га.
Комплекс будзе ўключаць офісы расійскага «Газпрома», гасцініцу, паркінг, фізкультурна-аздараўленчы комплекс, а таксама медыцынскі цэнтр. Акрамя таго, на тэрыторыі «Газпром цэнтра» павінны размясціцца дзіцячы цэнтр развіцця і спадарожныя аб'екты гандлю і паслуг. Цэнтрам кампазіцыі стане будынак вышынёй 189 метраў.
Заканчэнне будаўніцтва запланавана на 2018 год. Арыентыровачны памер інвестыцый складае 900 млн долараў.
«Шматфункцыянальны комплекс, які мы сёння пачнем будаваць, гэта сучасны праект, ён будзе рэалізаваны па самых сучасных тэхналогіях і патрабаваннях. Мы ўпэўненыя, што гэты праект стане яшчэ адной новай, яркай візітнай карткай Мінска», - казаў 21 жніўня 2015 года на афіцыйнай цырымоніі пачатку будаўніцтва старшыня праўлення «Газпрома» Аляксей Мілер.
З-за будаўніцтва «Газпром цэнтра» быў знесены аўтавакзал «Маскоўскі», што выклікала незадаволенасць мінчан.
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары