Дэбаты: Кандыдаты абяцаюць аддаць настаўнікам заробкі міліцыі, а для расійскіх тэлеканалаў увесці падаткі
Для расійскіх тэлеканалаў, што транслююцца ў Беларусі, неабходна ўвесці дадатковы падатак, каб такім чынам стымуляваць развіццё айчыннага тэлебачання, а таксама сваёй культуры і роднай мовы.
Такое меркаванне выказалі кандыдаты ў дэпутаты Палаты прадстаўнікоў падчас першых тэледэбатаў, арганізаваных тэлеканалам «Белсат», сайтам Naviny.by і Еўрарадыё.
На думку патэнцыйных дэпутатаў, заробкі ў настаўнікаў павінны быць не меншыя, чым у міліцыянтаў і вайскоўцаў, а нацыянальная культура мусіць стаць прыярытэтнам у палітыцы дзяржавы.
Між тым, гэта адзінае, у чым сышліся прэтэндэнты на крэсла ў Авальнай зале. І хоць праўладныя кандыдаты дыскутаваць з апанентамі, на жаль, адмовіліся, тым не менш апазіцыянерам было, пра што паспрачацца. Выявілася, што нават унутры дэмакратычнага лагера няма агульнага погляду на развіццё краіны, суіснаванне беларускай і рускай моў, культуру і адукацыю.
Тым больш, што і кандыдаты ў першых дэбатах сабраліся абсалютна розных пакаленняў: ад маці экс-лідара «Маладога фронта» і былога палітвязня Паўла Севярынца Таццяны Севярынец, вядомай тэлевядучай і амаль кандыдата ў прэзідэнты Алены Анісім і Вольгі Дамаскінай з «Руху за Свабоду» да маладога Юрыя Стукалава і зусім яшчэ юнага Ягора Левачова з «Гавары праўду», які замест аспірантуры абраў палітыку.
Як трапна заўважыла Вольга Дамаскіна: «Хоць ні ў каго няма магчымасці стаць дэпутатам, затое важна, у якой краіне мы прачнёмся 12 верасня».Што б магло адбыцца з краінай пасля 12 верасня, калі б галасы лічылі сумленна, прагназуем разам з удзельнікамі дэбатаў і гасцямі студыі.
Гэта быў ужо другі выпуск дэбатаў. Падчас дэбютнай перадвыбарнай дыскусіі эксперты і прадстаўнікі палітычных сілаў краіны абмяркоўвалі, ці існуе ў Беларусі рэальны парламент і ці ёсць сэнс удзельнічаць у прадказальных выбарах.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары