На слуханні па справе моладзевага актывіста Артура Фінькевіча, якія аднавіліся сёння ў 10.30 у судзе Першамайскага раёна г. Мінска, не пусцілі большасць журналістаў. Ахова будынку спасылаецца на асабістае распараджэнне суддзі Вікторыі Зайцавай.
Як паведамілі прэс-службе БАЖ журналісты, якія прыйшлі на працэс, у будынак прапусцілі ўсяго некалькі чалавек, пасля чаго сказалі, што ў залі няма месцаў.
Сабраныя сталі патрабаваць, каб іх прапусцілі да адміністрацыі суда, аднак ахова заявіла, што начальства няма на працы. Каля 10.45 сабраныя збіраліся пакінуць запіс у кнізе скаргаў. Чалавек у цывільным здымаў усіх на відэастужку.
Нагадаем, што 4 сакавіка, калі ў слуханнях па справе А. Фінькевіча быў абвешчаны перапынак, двое журналістаў - Наталля Валакіда (прэс-служба АГП) і Таццяна Снітко («Наша ніва», «Прима-news») былі затрыманыя каля будынку суда людзьмі ў цывільным. Прыкладна паўгадзіны журналісткі правялі ў Першамайскім РУУС, пасля чаго іх адпусцілі.
Прэс-служба ГА «Беларуская асацыяцыя журналістаў»
Цяпер чытаюць
Белпол: «Эпштэйн не даехаў да Беларусі». А кім былі бацькі яго каханкі Карыны Шуляк?3
Каментары