Колькасць жыхароў ФРГ замежнага паходжання дасягнула рэкорднага ўзроўню
У Германіі пражывае 17,1 млн чалавек замежнага паходжання, гэта рэкордны паказчык за ўсю гісторыю краіны. Такія дадзеныя прадставіла ў пятніцу, 16 верасня, Федэральнае статыстычнае ведамства.
Доля людзей з замежнымі каранямі ў насельніцтве ФРГ складае ў дадзены момант 21%. У параўнанні з папярэднім годам, гэты паказчык вырас на 4,4%. Даследчыкі звязваюць такія змены з вялікай колькасцю імігрантаў, якія прыбылі ў Нямеччыну за апошні час. Людзьмі замежнага паходжання лічацца грамадзяне, народжаныя ў іншых краінах, а таксама тыя, у каго толькі адзін з бацькоў з'явіўся на свет за межамі ФРГ. Больш за ўсё ў Нямеччыне выхадцаў з Турцыі, Польшчы і Расіі.
Жыхары ФРГ замежнага паходжання ў сярэднім прыкметна маладзейшыя за карэнных немцаў, кожны трэці ва ўзроставай групе да 18 гадоў мае замежныя карані. Акрамя таго, немцы з замежнымі каранямі часцей аказваюцца беспрацоўнымі і не маюць сярэдняй адукацыі.
Цяпер чытаюць
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары