За незаконныя валютныя аперацыі распачатая крымінальная справа ў дачыненні да 58-гадовага непрацоўнага жыхара Івацэвічаў.
Баранавіцкім міжраённым аддзелам Следчага камітэта паводле матэрыялаў фінансавай міліцыі справа распачатая на падставе ч. 1 арт. 14 і ч. 1 арт. 233 КК (замах на незаконную прадпрымальніцкую дзейнасць, звязаную з атрыманнем даходу ў буйным памеры)
Як паведаміла афіцыйны прадстаўнік упраўлення Следчага камітэта па Брэсцкай вобласці Марына Дранькова, мужчына падазраецца ў тым, што з 16 лютага па 22 жніўня здзейсніў не менш як 39 здзелак па куплі-продажу замежнай валюты. У выніку атрымаў даход большы за 20 тыс. рублёў. Таксама ён меў намер атрымаць звыш 3 тыс. рублёў, аднак дзеянні валютчыка былі спыненыя супрацоўнікамі праваахоўных органаў.
Да здзяйснення здзелкі мужчына гутарыў з кліентамі па тэлефоне і прызначаў ім сустрэчу ў Івацэвічах. Кліенты даведваліся пра яго па сарафанным радыё.
У цяперашні час фігурант крымінальнай справы выплаціў дзяржаве частку даходу — 2 тыс. рублёў.
Мужчына раней асуджаны не быў.
Хто з беларусаў трапіў на прыём да прэзідэнта Польшчы ШМАТ ФОТА10
Каментары