Завершана расследаванне страшнага падвойнага забойства на Алібегава
Галоўным следчым упраўленнем завершана расследаванне крымінальнай справы аб забойстве ў снежні 2015 года хлопца і дзяўчыны ў спальным раёне Мінска.
Нагадаем, у снежні мінулага года ў кватэры жылога дома па вуліцы Алібегава з множнымі нажавымі раненнямі шыі і тулава былі знойдзены трупы мужчыны і жанчыны. Па целе мужчыны было нанесена каля 50 удараў нажом, па целе жанчыны — больш за 30.
Як паведамляе СК, арганізатарам злачынства следствам прызнана 27-гадовая мінчанка. Выяўлена, што абвінавачаная не змірылася з тым, што мужчына, з якім яна раней сумесна пражывала, падтрымлівае блізкія стасункі з другой дзяўчынай. У пачатку снежня 2015 года яна наняла чалавека для яе выкрадання. Аднак мужчына, які пагадзіўся дапамагчы, не выканаў узятыя на сябе абавязацельствы.
Тады абвінавачаная звярнулася па дапамогу да свайго 44-гадовага суседа і яго 23-гадовага таварыша. Заплаціўшы ім грошы, яна папрасіла збіць дзяўчыну.
Выконваючы «заказ», выканаўцы адышлі ад раней абгаворанага плана, забіўшы пацярпелую і яе сужыцеля. Пасля гэтага яны забралі з кватэры ахвяр грошы і асабістыя рэчы і схаваліся.
Усю тройцу ўдалося затрымаць на працягу сутак.
У ходзе расследавання падвойнага забойства праваахоўнікамі было высветлена, што за некалькі дзён да выканання «замовы» абвінавачаныя здзейснілі разбойны напад ў Мінскім раёне, падчас якога забілі 59-гадовага мужчыну, які аказаў ім актыўны супраціў.
Вынікі псіхолага-псіхіятрычных экспертыз, праведзеных у дачыненні да абвінавачаных, выявілася, што яны былі пры свядомасці.
Па выніках расследавання, дзеянні мужчын кваліфікаваныя следствам па ч.2 арт.139 (забойства трох асоб з карыслівых меркаванняў), ч.3 арт.207 (разбой, здзейснены з мэтай завалодання маёмасцю ў асабліва буйным памеры), ст.378 (крадзеж асабістых дакументаў) Крымінальнага кодэкса РБ. Жанчыне прад'яўленае абвінавачванне па ч.4 арт.16 ч.3 ст.147 (арганізацыя прычынення цяжкага цялеснага пашкоджання, якое пацягнула па неасцярожнасці смерць чалавека), ч.1 арт.13 ч.2 ст.182 (падрыхтоўка да выкрадання чалавека).
Матэрыялы крымінальнай справы перададзеныя пракурору для накіравання ў суд.
Крутога айцішніка, які вярнуўся з Польшчы, кінулі за краты за фінансаванне «экстрэмізму»25
Каментары