Мінск можа стаць «усходнееўрапейскай Жэневай або Венай», пляцоўкай для перамоў між Захадам і Расіяй. Такое меркаванне выказаў кіраўнік беларускага офіса Фонда Конрада Адэнаўэра Вольфганг Зэндэр, выступаючы ў дыскусіі «Усходняя Еўропа: выклікі і магчымасці» на адкрыцці VI Кангрэсу даследчыкаў Беларусі.
Форум адбыўся ў Коўне (Літва) 7—9 кастрычніка.
На думку Зэндэра, Мінск стаў вядомы ў свеце пасля таго як стаў месцам перамоў па Данбасе, у якіх узялі ўдзел Ангела Меркель, Франсуа Алянд і Уладзімір Пуцін.
Беларусь, мяркуе Зэндэр, і надалей будзе цесна звязанай з Расіяй у сілу гістарычных і эканамічных сувязяў.
Паляпшэнне адносін Беларусі і Еўрасаюза не скіраванае супраць Расіі, адзначыў Зэндэр.
У той жа час роля Мінска як месца кантактаў можа дапамагчы краіне ў вызначэнні сваёй будучыні. «Беларусі важна не стаць ізноў ахвярай між вялікімі дзяржавамі», — сказаў нямецкі эксперт.
Фонд Конрада Адэнаўэра, сярод іншага, займаецца аналізам замежнай палітыкі і сітуацыі ў свеце для Хрысціянска-дэмакратычнага саюза, да якога належыць і канцлерка Меркель.
-
СМІ замяняюць беларусам дзяржаву. І інакш пакуль не будзе
-
Зміцер Дашкевіч: У выгнанні я валацуга, але маю тое, чаго цяпер не было б для мяне ў Беларусі — магчымасць прыносіць Госпаду плод
-
Каверын: У мяне расце дачка, і я хацеў бы, каб яна жыла, хутчэй, у тым свеце, які ўяўляюць сабе ідэальным феміністкі
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары