Мікалай Чаргінец: калі вакол Шэймана і былі прафэсіяналы, то толькі ў пляне пошуку кампрамату на людзей.
Набліжаны да Лукашэнкі дэпутат савету рэспублікі Мікалай Чаргінец, каментуючы адстаўку дзяржсакратара Рады бяспекі, заявіў, што Шэймана атачалі толькі прафесіяналы ў зборы кампрамату.
"Мусіць, памылка Віктара Шэймана ў тым, што ён не меў вакол сябе прафесіяналаў, а калі і былі прафесіяналы, то ў плане пошуку кампрамату на людзей. Часам проста ўсё зводзілася да звядзення асабістых рахункаў, яны не займаліся па-вялікаму дзяржаўнымі справамі і не бачылі сваёй ролі ў абавязку дзяржавы забяспечваць бяспеку грамадства", - цытуе М. Чаргінца агенцтва БелаПАН.
Пры гэтым старшыня камісіі па міжнародных справах і нацыянальнай бяспецы верхняй палаты звярнуў увагу на тую акалічнасць, што Лукашэнка "неаднаразова крытыкаваў дзеянні Рады бяспекі".
Ад каментара з нагоды адстаўкі Генадзя Нявыгласа з паста кіраўніка Адміністрацыі прэзідэнта М. Чаргінец устрымаўся. Апошняе можа азначаць, што ёсць шанцы вяртання Нявыгласа на адну з высокіх пасадаў.
Каментары