У Баранавічах праваахоўнікі затрымалі траіх маладых людзей, якія кралі грошы ў наведвальнікаў мінскіх кафэ. Пра гэта піша ГУУС Мінгарвыканкама.
Паведамляецца, што двое жыхароў Баранавічаў і іх прыяцель з Масквы прыехалі ў Мінск, дзе менш чым за 2 гадзіны скралі грошы і маёмасць наведвальнікаў 3 сталічных кафэ. У адным кафэ яны захапілі заплечнік з 12 тысячамі рублёў, якія ўзяў з сабой на дзелавую сустрэчу мужчына. У другой зале гэтай жа ўстановы маладыя людзі скралі ноўтбук за 8 тысяч рублёў. Яшчэ ў двух кафэ зламыснікі скралі грошы з курткі і iPad. Пасля гэтага яны адразу з'ехалі ў Баранавічы, дзе неўзабаве былі затрыманыя супрацоўнікамі крымінальнага вышуку Цэнтральнага РУУС сталіцы.
Па дадзеным факце заведзеная крымінальная справа, праводзіцца расследаванне. Раней хлопцы неаднаразова былі судзімыя за маёмасныя злачынствы.
Цяпер чытаюць
«Да акцыі далучыліся толькі маргіналы». Што пісаў у чатах пасля свайго выкрыцця кадэбэшнік, адказны за беларускую эміграцыю1
Каментары