Мітрапаліт Павел: Калі я нашу крыжык на грудзях — гэта яшчэ не значыць, што я фарысей
Мітрапаліт Мінскі і Заслаўскі Павел, Патрыяршы Экзарх усяе Беларусі ў інтэрв'ю праграме «Контуры» на тэлеканале АНТ пракаментаваў нашэнне нацельных крыжыкаў.
«Як я магу хаваць, што я — святар? Тады трэба зняць з сябе расу, крыж і хадзіць як звычайны чалавек без якіх-небудзь знакаў. Гэта не зусім правільна», — адзначыў Мітрапаліт Павел.
Паводле яго слоў, калі пайсці па шляху забароны на нашэнне нацельных крыжыкаў і іншай рэлігійнай сімволікі, можна стаць безыдэйным грамадствам. «Тады трэба і на могілках крыжы і надмагільныя помнікі прыбіраць. Але гэта таксама будзе прыкмета ідэалогіі — атэістычнай», — лічыць ён.
Пры гэтым Мітрапаліт Павел падкрэсліў, што неабходна прытрымлівацца межаў разумнага. «Сам Хрыстос Збаўца выкрываў фарысеяў, якія прынародна праводзілі набажэнствы. Гэта фарысейства. А тое, што я нашу крыжык на грудзях — гэта яшчэ не значыць, што я фарысей», — патлумачыў ён.
З праекта пастановы аб медыцынскай этыцы выключылі абзац пра нашэнне рэлігійных сімвалаў
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы8
Каментары