Афіцыйныя перамовы прэзідэнта Беларусі Аляксандра Лукашэнкі і прэзідэнта Егіпта Абдэль Фатаха аль-Сісі праходзяць у Каіры ў палацы «Аль-Ітыхадыя», перадае БелТА.
Перамовам папярэднічала цырымонія афіцыйнай сустрэчы Абдэль Фатахам аль-Сісі кіраўніка беларускай дзяржавы. Пасля выканання гімнаў дзвюх краін і цырыманіялу з удзелам роты ганаровай варты прэзідэнты селі за стол перамоваў. Спачатку сустрэча праходзіць у фармаце «сам-насам», а затым адбудзецца ў пашыраным складзе. Па яе выніках чакаецца падпісанне шэрагу двухбаковых дакументаў.
Палац «Аль-Ітыхадыя» быў пабудаваны ў 1910 годзе ў якасці гатэля «Геліопаліс Палас». Падчас дзвюх сусветных войнаў тут размяшчаўся шпіталь для брытанскіх салдат. Затым гатэль сталі выкарыстоўваць розныя ўрадавыя арганізацыі як офіс. Тут таксама размяшчалася штаб-кватэра Федэрацыі Арабскіх Рэспублік, дзякуючы чаму палац і атрымаў назву «Аль-Ітыхадыя», што перакладаецца з арабскай мовы як «федэрацыя». У 1980-х гадах пасля капітальнага рамонту і рэстаўрацыі будынак стаў рэзідэнцыяй прэзідэнта Егіпта.
У Каіры таксама запланаваныя сустрэчы Аляксандра Лукашэнкі з прэм'ер-міністрам Егіпта Шэрыфам Ісмаілам і іншымі афіцыйнымі асобамі гэтай краіны. Акрамя таго, Лукашэнка возьме ўдзел у адкрыцці беларуска-егіпецкага дзелавога форуму.
Затым кіраўнік дзяржавы зробіць афіцыйны візіт у Рэспубліку Судан.
У Хартуме Аляксандр Лукашэнка правядзе перагаворы з Прэзідэнтам Судана Амарам Хасанам Ахмедам аль-Башырам. Чакаецца заключэнне шэрага дамоўленасцей аб развіцці ўзаемадзеяння ў розных сферах.
Плануюцца таксама сустрэчы кіраўніка беларускай дзяржавы з віцэ-прэзідэнтам Судана Хасабу Абдэльрахманам і старшынёй Нацыянальнай асамблеі Ібрагімам Амерам.
У сталіцы Судана ў час візіту Аляксандра Лукашэнкі пройдзе беларуска-суданскі дзелавы форум.
Афіцыйныя візіты ў Егіпет і Судан запланаваныя на 15—17 студзеня.
Былы міністр культуры Руслан Чарнецкі знайшоў сабе падпрацоўку9
Каментары