В.а. генеральнага пракурора ЗША Салі Ейтс звольненая. На яе месца прызначаная пракурор ЗША па Усходняй акрузе штата Вірджынія Дана Бента, напісаў у сваім «Твітары» прэс-сакратар Белага дома Шон Спайсер.
Салі Ейтс заявіла 31 студзеня, што міністэрства юстыцыі не будзе абараняць міграцыйны ўказ прэзідэнта Дональда Трампа ў судзе. Яна адзначыла, што не ўпэўнена ў законнасці распараджэння.
У заяве Белага дома гаворыцца, што Салі Ейтс «здрадзіла міністэрству юстыцыі, адмовіўшыся выконваць законны ўказ, прыняты з мэтай абараніць грамадзян ЗША».
Трамп 27 студзеня падпісаў распараджэнне, згодна з якім на нявызначаны тэрмін прыпыняецца прыём бежанцаў з Сірыі. Усе астатнія праграмы па прыёме бежанцаў прыпыненыя на 120 дзён. Таксама ўказ забараняе ўезд у ЗША ўсім грамадзянам сямі мусульманскіх краін на 90 дзён, паведамляе Бі-бі-сі.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Цяпер чытаюць
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары